आष्टी (प्रतिनिधी)- शेतकरी कुटुंबात जन्माला आलेले व अक्षर ओळख नसताना ग्रंथ वाचन करून न चुकता वृध्देश्वर वारी करत वयाची शंभरी पार केलेले वयोवृद्ध आजोबा ज्ञानदेव तळेकर आजही कणखरपणे जीवन जगत आहेत.त्याची आज मोठ्या थाटामाटात शतकपुर्ती होत आहे.त्याच्या कार्यावर प्रकाश टाकणारा हा छोटाशा लेख….
आष्टी तालुक्यातील देवळाली येथील ह.भ.प. ज्ञानदेव माऊली तळेकर यांचा जन्म १९२३ साली शेतकरी कुटुंबात झाला.कसलीही अक्षर ओळख नसताना ग्रंथ वाचन,नामस्मरण करतात.गेली साठ वर्षापासून महिना एकादशी पायी वृद्धेश्वर वारी केली .कीर्तन ऐकूण पहाटेच्या अंधारात परत यायचे.वृद्धेश्वर येथील वै ब्रं सदगुरु रघुनाथ महाराज उंबरेकर हे त्यांचे गुरु आयुष्यभर काबाड कष्ट केले
वयाची शंभरी पार केली तरीही अजून स्वतःचे काम स्वतःच करतात ते कधीच शाळेत गेलेले नव्हते तरी अखंड ग्रंथ वाचन करतात तसेच त्यांचे नामस्मरणही दररोज चालू असते यामधे हरीपाठ काकड आरती व ग्रंथवाचन इत्यादी
ते दररोज पहाटे उठून व्यायाम करतात
एवढे वय झाले तरी त्यांची स्मरणशक्ती अजूनही शाबूत आहेत.आत्ता पर्यंत त्यांनी पंचक्रोशीतील भरपूर भाविकांना परमार्थात आणले असून पंचक्रोशीत भाविकांना त्यांच्यावीषयी भरपूर आदर भाव आहे. त्यांचे नातू अशोक तळेकर हे कृषी सेवा केंद्र चालवतात त्यांनीही त्यांच्या क्षेत्रात तालुक्यातील कृषी विक्रेते तसेच शेतक ऱ्यांसाठी भरपूर उल्लेखनीय कामे केली आहेत.करत आहेत आज ते आष्टी तालुका कृषी संघटनेचे तालुकाध्यक्षपदी आहेत.तर कृषी दुकानाच्या माध्यमातून तालुक्यातील मोठी लोकप्रियता आहे.
वयाची शंभरी पार;आजही अंगातील कणखरपणा कायम असलेले ह.भ.प. ज्ञानदेव माऊली तळेकर
