मोहटादेवी देवस्थानच्या अध्यक्षपदी न्या. श्रीमती माधुरी बरालीया यांची नियुक्ती.

पाथर्डी (प्रतिनिधी):- महाराष्ट्रातील देवी मंदिरांपैकी मुख्य असलेल्या श्री जगदंबा मोहटादेवी देवस्थानचे अध्यक्ष तथा अहमदनगर येथील जिल्हा न्यायाधीश सुनील गोसावी यांची रत्नागिरी येथे प्रमुख जिल्हा न्यायाधीश या पदावर पदोन्नती झाल्याने रिक्त झालेल्या पदावर श्रीमती माधुरी अनुप बरालीया – जिल्हा न्यायाधीश १ अहमदनगर यांची नियुक्ती नुकतीच अहमदनगरचे प्रमुख जिल्हा व सत्र न्यायाधीश श्री सुधाकर यार्लागड्डा यांनी केली आहे. श्रीमती बरालीया यांनी नुकतीच श्री मोहटादेवीची विधिवत पूजा करून आज पदभार स्वीकारला. त्यानिमित्त देवस्थान विश्वस्त मंडळाच्या वतीने त्यांचे स्वागत करण्यात आले. यावेळी पदसिद्ध विश्वस्त श्रीमती अश्विनी बिराजदार (दिवाणी न्यायाधीश पाथर्डी,) विश्वस्त अक्षय गोसावी, विठ्ठल कुटे एड. विक्रम वाडेकर, डॉ. श्रीधर देशमुख, श्रीमती अनुराधा केदार आदी उपस्थित होते. अशी माहिती मोहटा देवस्थानचे मुख्य कार्यकारी अधिकारी सुरेश भनगे यांनी दिली.